पंढरपूर, २४/११/२०२०-पंढरपूर नगरपरिषदेच्या वतीने नगराध्यक्षा सौ साधनाताई भोसले , मुख्याधिकारी अनिकेत मानोरकर, उपनगराध्यक्ष अनिल अभंगराव, उपमुख्याधिकारी सुनील वाळुजकर तसेच सर्व नगरपरिषद पदाधिकारी , आरोग्य विभागाचे अधिकारी यांच्या मार्गदर्शना खाली कार्तिक वारीच्या पार्श्वभूमीवर शहरात आणि वाळवंटत स्वच्छता अभियान sanitation campaign राबविण्यात येत आहे.


शहरात किटकजन्य रोग प्रतिबंधक व नियंत्रणा साठी तसेच कोरोना प्रतिबंधासाठी दैनंदिन डास आळी नाशक फवारणी, जंतुनाशक फवारणी पाठीवरील पंपाद्वारे करण्यात येत आहे .कंटेनर सर्वेक्षण,धूर फवारणी,डासोत्पत्ती स्थानांमध्ये गप्पी मासे सोडणे, कोरोना प्रतिबंधासाठी फवारणी व आरोग्य शिक्षण इत्यादी कार्यवाही केली जात आहे.


सध्या पारेषण काळ सुरू असल्याने नागरिकांनी किटकजन्य आजार व साथरोग यापासून बचाव करण्यासाठी शासनाच्या मार्गदर्शक सूचनांचे पालन करावे असे आवाहन नगराध्यक्षा सौ. साधना भोसले, उपनगराध्यक्ष अनिल अभंगराव आरोग्य समिती सभापती विवेक परदेशी,हिवताप अधिकारी किरण मंजुळ यांनी केले आहे.

मुख्याधिकारी अनिकेत मनोरकर यांनी जनतेस आवाहन करताना,covid-19 प्रतिबंधासाठी सँनी टायझर, मास्क व सोशल डिस्टंसिंगचा वापर करावा. हात साबणाने वारंवार धुवावेत तसेच गर्दीत जाण्याचे टाळावे.आपला आजूबाजूचा परिसर स्वच्छ तसेच नदी पात्र आणि वाळवंट साफ राहण्यासाठी नगरपरिषद प्रशासनाला सहकार्य करावे असे मत व्यक्त केले.

त्यासाठी आरोग्य विभाग व नागरी हिवताप योजना, पंढरपूर नगरपरिषद पंढरपूर यांच्याकडून पंढरपूर शहरात कोठेही अस्वच्छता राहून साथीचे आजार वाढू नयेत यासाठी शहरातील उपनगरे व वाळवंटात स्वच्छता अभियान नगरपरिषदेच्या वतीने राबविण्यात येत आहे असेही सांगितले.
 
Top