पंढरपूर नगरपरिषदेमार्फत 'स्वच्छता हिच सेवा' सप्ताह

 

पंढरपूर, १०/१०/२०२० - राष्ट्रपिता महात्मा गांधी जयंती निमित्ताने पंढरपूर नगरपरिषदेमार्फत 'स्वच्छता हिच सेवा' हा सप्ताह राबवण्यात आला. पंढरपूर शहरातील विविध भागात स्वच्छता सप्ताह राबविण्यात आला. यामध्ये रेल्वे स्टेशन,बस स्थानक,यमाई तलाव,जिजामाता उद्यान, रेल्वेपुला खालील परिसर,टिळक स्मारक मैदानावर स्वच्छता करण्यात आली. या उपक्रमाच्या माध्यमातून स्वच्छतेचा संदेश देऊन जनजागृती करण्यात आली.पुंडलिक मंदिर ते दगडी पुलापर्यंत संपूर्ण चंद्रभागा वाळवंटात स्वच्छता करून या स्वच्छता सप्ताहाची सांगता करण्यात आली.

   यावेळी सफाई कर्मचारी व आरोग्य निरीक्षक शिपाई , मुकादम, इतर कर्मचारी यांनी या सप्ताहामध्ये सहभागी होऊन सहकार्य केल्याबद्दल त्यांचे आभार सभापती विवेक परदेशी यांनी मानले व त्यांचेवतीने सर्व सफाई कर्मचारी यांना अल्पोपहार देण्यात आला.

  यावेळी सध्या मलेरिया व डेंगूची साथ असल्याने डासांची उत्पत्ती रोखण्यासाठी आपल्या घर परिसरातील भंगार, टायर,कुंड्या,फ्रिज,कुलर याची नियमित तपासणी करावी, कोणीही रत्यावर कचरा टाकु नये.तो घंटागाडीतच टाकावा,शहर स्वच्छ राहील याची काळजी घ्यावी व यापुढेही सेवा, स्वच्छतेसारखे उपक्रम राबवु असे आरोग्य सभापती विवेक परदेशी यांनी सांगितले.

शहर स्वच्छ व कोरोनामुक्त राहील याकडे लक्ष देऊ - नगराध्यक्षा साधनाताई भोसले 

   कोरोनाच्या लढाईत आपण सर्वांनी आतापर्यंत सहकार्य केलेले आहे यापुढे सुद्धा असेच सहकार्य करून शहर स्वच्छ व कोरोना मुक्त राहील याकडे लक्ष देऊया असे नगराध्यक्षा साधनाताई नागेश भोसले यांनी सांगितले.

    या स्वच्छता सप्ताह सांगता समारोप प्रसंगी नगराध्यक्षा साधनाताई नागेश भोसले,नगरपरिषद मुख्याधिकारी अनिकेत मानोरकर , उपनगराध्यक्ष अनिल अभंगराव , उपमुख्याधिकारी सुनील वाळुजकर, आरोग्य सभापती विवेक परदेशी, नगरसेविका शकुंतला नडगीरे,नगरसेवक कृष्णा वाघमारे, भागवत बडवे, आरोग्य निरिक्षक शरद वाघमारे, नागनाथ तोडकर आदी उपस्थित होते.
 
Top