अशा परिस्थितीत शासन शेतकऱ्यांच्या पाठीशी खंबीरपणे उभे


पंढरपूर.दि.२४/०९/२०२०-अतिवृष्टीमुळे नुकसान झालेल्या पिकांचे तातडीने पंचनामे करुन अहवाल सादर करावेत अशा सूचना, पालकमंत्री दत्तात्रय भरणे यांनी दिल्या.


सोलापूर जिल्ह्यातील पंढरपूर तालुक्यातील गार्डी, कासेगांव,सांगोला तालुक्यातील महूद येथील कासाळ-गंगा ओढा तसेच माळशिरस तालुक्या तील मळोली येथील अतिवृष्टिने पूर आल्यामुळे नुकसानग्रस्त पिकांची व पडझड झालेल्या घरांची पहाणी पालकमंत्री दत्तात्रय भरणे यांनी आज केली.


यावेळी आमदार भारत भालके,माजी जिल्हा परिषद अध्यक्षा जयमाला गायकवाड, जिल्हाधिकारी मिलींद शंभरकर, प्रांताधिकारी सचिन ढोले, उदयसिंह भोसले, शमा पवार, तहसिलदार वैशाली वाघमारे, योगेश खरमाटे, गटविकास अधिकारी रविकिरण घोडके, संतोष राऊत, स्मिता पाटील, तालुका कृषि अधिकारी गजानन ननवरे ,दिपाली जाधव, राजेंद्र पवार, कार्यकारी अभियंता दत्तात्रय गावडे,महावितरणचे श्री.कासार आदी उपस्थित होते.


यावेळी पालकमंत्री म्हणाले,सोलापूर जिल्ह्यात अतिवृष्टिने पिकांचे मोठ्या प्रमाणात नुकसान झाले आहे. तसेच घरांची पडझड झाली आहे. पंढरपूर, माळशिरस व सांगोला तालुक्यातील ५४ गावांतील मोठ्या प्रामाणात पिकांचे नुकसान झाले आहे. यामध्ये सुमारे ६५०० ते ७००० हेक्टर पिकांचे नुकसान झाले आहे. नुकसानग्रस्त ५१७ कुटुंबांचे स्थलांतर करण्यात आले आहे. तसेच बंधाऱ्यांचे व पाझर तलावांचेही मोठ्या प्रमाणात नुकसान झाले असून, पुराच्या पाण्यामुळे काही गावातील विद्युत पुरवठा खंडीत झाला असल्याने विद्युत पुरवठा पुर्वरत करण्याच्या सूचना संबधित अधिकाऱ्यांना दिल्या असल्याचे पालकमंत्री भरणे यांनी सांगितले.अतिवृष्टिने शेतकऱ्यांच्या हाती आलेल्या पिकांचे मोठे नुकसान झाल्याने शेतकरी अडचणीत सापडला आहे.अशा परिस्थितीत शासन शेतकऱ्यांच्या पाठीशी खंबीरपणे उभे असून, शासनस्तरावरुन आवश्यकती मदत करण्यात येणार असल्याचे पालकमंत्री भरणे यांनी सांगितले.

यावेळी आमदार भारत भालके यांनी नुकसान ग्रस्त शेतकऱ्यांना व नागरिकांना शासनाच्यावतीने तात्काळ नुकसान भरपाई देण्यात यावी अशी मागणी केली.

पंढरपूर तालुक्यात अतिवृष्टिमुळे विविध ठिकाणी नुकसान झालेल्या भागांची माहिती प्रांताधिकारी सचिन ढोले यांनी पालकमंत्री भरणे यांना दिली.
 
Top