पंढरपूर, दि.१२ -  समाजात महिलांना स्वत:चे भक्क्म स्थान निर्माण करण्यासाठी तसेच महिलांना स्वत:कडे आणि समाजाकडे व्यापक दृष्टीकोनातून पाहण्याची ताकद मिळावी यासाठी समाजातील महिलांनी एकमेकींना प्रोत्साहन देणे गरजेचे आहे.प्रत्येक क्षेत्रात महिला आज पुरुषांच्या बरोबरीने कार्यरत असून, आपल्या कर्तुत्वाने त्यांनी विविध क्षेत्रांत उल्लेखनीय कामगीरी केली आहे. महिलांच्या हक्काचे संरक्षण आणि स्त्री-पुरुष समानता या दृष्टीने जागतिक महिला दिनाला विशेष आहे. समाजात कोणीही महिलांचे अस्तित्व बदलू शकत नाही.समाजातील सर्वच पुरुष वाईट नाहीत पण विकृत मानसिकतेच्या लोकांच्या विरोधात लढण्यासाठी प्रत्येक महिलेल्या कायद्याची माहिती असणे आवश्यक असल्याचे जिल्हा न्यायाधीश श्रीमती के.व्ही.बोरा यांनी प्रतिपादन केले.

 

जागतिक महिला दिनाचे औचित्य साधून जिल्हा न्यायालय पंढरपूर येथे,तालुका विधी सेवा समिती व अधिवक्ता संघ यांच्या संयुक्त विद्यमाने महिला दिनाच्या कार्यक्रमाचे आयोजन करण्यात आले  होते.

  यावेळी जिल्हा न्यायाधीश सी.एस.बाविस्कर, जिल्हा न्यायाधीश आर.ए.सासने,अतिरिक्त जिल्हा न्यायाधीश एन.के.मोरे,न्यायाधीश एस.एच. इनामदार,न्यायाधीश पी.पी.देशमुख,न्यायाधीश ए.पी.कराड,न्यायाधीश एस.जी.सरवदे,न्यायाधीश श्रीमती आर.जी.कुंभार,अधिवक्ता संघाचे अध्यक्ष भगवान मुळे, उपाध्यक्ष विलास शेळके, सचिव ॲड.राहुल बोडके आदी उपस्थित होते.

   महिलांनी स्वत:च्या हक्कासाठी दिलेल्या लढयाच्या स्मरणार्थ ८ मार्च हा दिवस जागतिक महिला दिन म्हणून साजरा करण्यात येतो. आजची महिला राजकीय, सामाजिक, शैक्षणिक, आर्थिक दृष्टीने सक्षम झाली आहे. महिलांच्या  सर्वांगिण विकासासाठी  आणि सुरक्षेतेसाठी शासनस्तरावर विविध  कायद्याची अंमलजावणी करण्यात येते असे न्यायाधीश श्रीमती आर.जी. कुंभार यांनी सांगत महिलांना आपल्या हक्काबाबत जागृती व्हावी यासाठी त्यांचे हक्क, कर्तव्ये, अधिकारी याबाबत माहिती दिली.

    महिला विधिज्ज्ञ यांनीही महिलांच्या हक्क, कर्तव्ये,अधिकारी या विषयी मनोगत व्यक्त केले. 

     प्रियंका जाधव यांनी महिला जनजागृतीपर एकपात्री नाटक सादर केले. यावेळी उपस्थित सर्व विधिज्ज्ञ  महिला व  महिला कर्मचाऱ्यांचा सन्मान चिन्ह, तुळशीचे रोप देऊन मान्यवरांच्या हस्ते करण्यात आला.
 
Top