शेळवे,(संभाजी वाघुले )- आजकाल जाती - धर्मात भांडणं, स्त्रियां वरील अन्याय अत्याचार पहायला मिळत आहेत, परंतु कोणाचीही जात-पात न बघता "माणूस" म्हणून प्रत्येकाला जगवण्यासाठी काम करणारी पेशंटला मदत करणार्‍या - हक्क मिळवून देणाऱ्या रुग्ण हक्क परिषदेचे काम प्रेरणादायी असल्याचे मत प्रसिद्ध गायक - नृत्यांगना लावणीसाम्राज्ञी सुरेखा पुणेकर यांनी रुग्ण हक्क परिषदेच्या केंद्रीय प्रधान कार्यालयात व्यक्त केले.
      रुग्ण हक्क परिषदेच्या कार्यालयात त्यांनी सदिच्छा भेट दिली. त्यावेळी त्यांनी विविध विषय आणि आठवणींना उजाळा दिला. रंगमंचावरील कलाकार, पडद्यामागील कलाकार, मेकअप कलाकार, साउंड - लाईट,नेपथ्य आणि वादक सहित सर्वांचे वृद्धपकाळात अत्यंत हाल होतात. दवाखान्याला - ऑपरेशनला पैसे नसतात. अश्यावेळी रुग्ण हक्क परिषद मदतीला येईल अशी अपेक्षा त्यांनी परिषदेचे अध्यक्ष उमेश चव्हाण यांच्याकडे बोलून दाखविली. 
     परिषदेचे अध्यक्ष उमेश चव्हाण यांनी रुग्ण हक्क परिषदेचे कार्य आणि भूमिका हे पुस्तक भेट देऊन त्यांचे स्वागत केले. यावेळी कार्यालय सचिव दीपक पवार, जिल्हाअध्यक्ष तेजश्री पवार आणि कार्यकर्ते उपस्थित होते.
     परिषद सर्व कलाकारांना नेहमीच वैद्यकीय मदत करीत असून यापुढेही नक्कीच मदत करेल प्रसंगी रस्त्यावर उतरून कलाकारांसाठी आंदोलन करू असेही अध्यक्ष उमेश चव्हाण म्हणाले.
 
Top